Әлем • 21 Шілде, 2021

Қытайдағы су тасқынынан 18 адам қаза тапты

247 рет
көрсетілді
1 мин
оқу үшін

Қытайдың орталық Хэнань провинциясында су тасқыны салдарынан 18 адам қаза тапты, деп хабарлайды Egemen.kz.

Қытайдағы су тасқынынан 18 адам қаза тапты

South China Morning Post газетінің хабарлауынша, Чжэнчжоу қаласында толассыз жауған жаңбыр бір күн бұрын су тасқынына ұласып, адам өліміне әкеп соқтырған. Іздестіру-құтқару топтары әзірге қаза тапқандардың 18 денесін тапты. Сонымен бірге 100 мыңнан астам адам қауіпсіз жерге көшірілді. Барлығы 200 мың адам үйлерін тастап кетуге мәжбүр болды. 

Әлеуметтік желіде таралған кадрлардан Чжэнчжоудың көшелері мен метро станцияларын су басқанын, көліктер су астында қалып жатқанын көруге болады.

Чжэнчжоу метеорологиялық басқармасы кейінгі 60 жылда мұндай жауын-шашын болмағанын айтады. Табиғи апаттан экономикаға 11,3 миллион доллар көлемінде залал келтірілген.