Экономика • 22 Шілде, 2021

Елімізде вагон жеткілікті

9 рет көрсетілді

Бүгінде цемент және өзге де құрылыс керек-жарағын жөнелту­шілердің проблемалары жіті бақылауға алынды. «ҚТЖ – Жүк тасымалы» ЖШС-де онлайн-режімде өткен кеңесте осы мәселе көтерілді.

­Биылғы бірінші жартыжыл­дықта цемент тиеу 2020 жылдың осы кезеңімен салыстырғанда 9% көбейіп, 4,3 млн тоннаға жетті. Қазақстан бойынша 3,3 млн тонна жүк тасымалданса, оның  830 мың тоннадан астамы елордаға жеткізілді. Бұл көрсеткіш был­тырғы 6 айдағы тасымал көлеміне қара­ғанда 43% артты. Биылғы қаң­тар-маусым айларында 7 млн тон­­надан астам құрылыс жүктері тиел­ген. Оның басым бөлігі, яғни 6,8 млн тоннасы ел ішінде тасымалданды.

 «Цемент және басқа да құры­лыс материалдарын та­сы­малдау бойынша бар­лық өтініштер толық­тай қам­та­масыз етілуде. Вагон тап­­шы­лығы жоқ, бірақ бұл ретте қол­­даныстағы паркпен тиімді әрі ұтымды жұмыс істеу қа­жет», деді жиында сөз алған «ҚТЖ – Жүк тасымалы» ЖШС атқа­рушы директоры Нұржан Келбұғанов.

Қазіргі уақытта Қазақстан ма­гистральдық желісінде 65 мың­нан астам ашық вагон бар,­ оның 23 мыңнан астамы – «Қаз­теміртранс» АҚ мен­шігінде. Қал­ғаны  жеке операторлар мен көрші мемлекеттерге тиесілі. Құ­рылыс жүктерін тасымалдауға «Қазтеміртранс» АҚ паркі: 10 мың­нан астам ашық вагон, 7,3 мың­нан астам жабық вагон, 72 платформа жұмылдырды. Қазақстан аумағында 4,5 мың­нан астам хоппер-цемент та­сығыш бар, олар негізінен же­кенің қолында. Тек 668 цемент тасығыш «Қазтеміртранс» АҚ ба­лансында.

«ҚТЖ – Жүк тасымалы» ЖШС-да жүк тиелген және бос вагон­дардың  жүріп-тұ­руы­на тәулік бойғы бақылау ор­­натыл­ған. Құры­лыс заттарын  қабылдап алу­шылардың жүктерді дер кезін­де түсіріп алмауынан стан­са­лық жә­не кір­ме жолдарда көлік жиі тұрып қалатын болды. Сон­дықтан атқарушы дирек­тор жүк опе­рацияларындағы техно­логиялық нормаларды сақтау керектігін ес­кертті. Цемент және жалпы құ­рылыс жүктерін тасымалдау бо­йын­ша мәселелерді же­дел шешу үшін «ҚТЖ – Жүк та­сы­­малы» ЖШС мессенджерде чат жұмыс істейді, оған ірі цемент зауыт­тарының өкілдері, жүк жөнел­тушілер мен жүк алушылар кіреді.

Кеңес барысында шалғай стан­саларда жүк тиелген вагон­дар­мен жұмыс істеу үшін маневр­лік локомотив беру мәсе­лесі шешімін тапты. Цемент, силикат кірпіші бар вагондардың ұзақ уақыт тұрып қалу фактілері ерекше бақылауға алынды.

Онлайн-кеңесті қорытындылай келе, Нұржан Келбұғанов осындай кең фор­маттағы кездесулер тұрақ­ты болатынын атап өтті.

 

«Егемен-ақпарат»

 

Соңғы жаңалықтар

Шаманың әні

Өнер • Кеше

Сотталған жырлар

Әдебиет • Кеше

9 ай «толғатқан» 9 пайыз

Экономика • Кеше

Атом көлге сапар

Аймақтар • Кеше

Ұқсас жаңалықтар