Ақпараттар ағыны

* Елімізде Индустрия және жаңа технологиялар министрлігінің қолдауымен «Тұран тв» телеарнасының тұсауы кесілді. Осы жылдың 1 ақпанынан бастап эфирге шығатын телеарна туризмді насихаттап, халқымызды саламатты өмірге баулитын хабарларды және салт-дәстүріміз туралы құнды деректерді жұртшылық назарына ұсынатын болады.

* Елімізде Индустрия және жаңа технологиялар министрлігінің қолдауымен «Тұран тв» телеарнасының тұсауы кесілді. Осы жылдың 1 ақпанынан бастап эфирге шығатын телеарна туризмді насихаттап, халқымызды саламатты өмірге баулитын хабарларды және салт-дәстүріміз туралы құнды деректерді жұртшылық назарына ұсынатын болады.

* Қазақстандық спорт­шы­­лар Сочи Олимпиа­да­­сына дайындалу үшін Еуропаға аттанды.Ұлттық құ­рама сапында Алексей Ко­ролев, Сабыржан Момынов, Константин Соко­ленко, Марат Жапаров, Радик Жапаров және Алексей Пчелин­цев бар.

*Астана қаласындағы көпқабатты  48 тұрғын үйдің  лифтісі ауыстырылады. Жалпы, бас қалада 4 мыңнан астам лифт бар. Олар пайдалану мерзіміне қарай келешекте кезең-кезеңімен жаңартылады.

*Алматы қаласы әлем туристері үшін тартымды 10 қаланың қатарына енді. «The Rough Guide» басылымы жариялаған сауалдамада саяхатшылардың қалауымен оңтүстік астана 7-орынға табан тіреген. Статистикалық дерекке жүгінсек, елімізге келетін шетелдік туристердің 80 пайызы Алматының әсем табиғатын тамашалағысы келеді.

*Қарағанды облысы, Темір­тау қаласындағы әлеу­мет­тік бейімдеу орталығы базасы жа­нынан әлеуметтік патруль қызметі құрылды. Бұл жерде жұмыс істейтін қызметкерлер шақыру бойынша қала көшелеріне шығып, үй-күйі жоқ адамдарға көмек көрсетеді. Осы арқылы әлеу­меттік түйінді түйткілді біртіндеп шешуге мүмкіндік жасалғалы отыр.

*Батыс Қазақстан облы­сының Зеленов ауданында мұнай өнімдерін сақтайтын станса салынуда. Жобаның жалпы құны 1,3 млрд. теңгені құрайды. Станса іске қосылғанда мұнда 9300 тонна мұнай өнімі сақталады.

*Кеше қарлы бұрқасынға бай­ланысты «Астана – Қоста­най» тас жолы жабыл­ды. Мамандар бүгін де бұл жолға жолаушылардың сапарлап шықпауы керектігін ескертеді. Сондай-ақ, кеше «Ас­тана – Петропавл» тас жолы да ішінара жабылған болатын.

*Шымкент қаласында алдағы мерзімде муниципалды автопарк пайдалануға беріледі. Оның жалпы құны 2 млн. теңгені құрайды. Бұл қаржы жеке инвес­торлар есебінен бөлінген.

Bnews.kz, Egemen.kz хабарлары бойынша дайындалды.