Фото olympics.com
Токио олимпиадасын өткізу нұсқаулығы мен ғылыми кеңеске сәйкес, жеңімпаздарды марапттау рәсімінің хаттамасы өзгертілді. Енді спортшыларға спорттық мансабындағы ерекше сәтті суретке, видеоға түсіруі үшін 30 секунд маска тақпай тұруға рұқсат берілді.
Әнұран толық орындалғаннан кейін, жеңіс тұғырында тұрған спортшыларға фотоға түсу үшін 30 секундқа маска шешуге болатыны жөнінде белгі беріледі. Бұл уақытта спортшылар бір-біріне жақындамай, белгіленген орнында тұруға міндетті. Суретке түсу аяқталғанда қайтадан маска тағылуы тиіс.
Ал күміс және қола жүлдегерлер алтын медаль иегерімен бірге суретке түсуі үшін маска киюі керек.
Жаңа хаттама бүгін таңертең қолданысқа енді және жақын күндері барлық жарыс алаңында қолданыла береді.
