Суармалы судың жетіспеушілігінен тағы 70 гектарға жуық жер кеуіп қалды. Тыңайтқыштар қымбаттады. Қосалқы бөлшектер мен ЖЖМ бағасы көтерілді.
«Біз күріштің нақты бағасы 400 теңге деңгейінде болуы тиіс деп есептейміз. Өзіндік құны қатты көтерілді. Егістіктерді сумен қамтамасыз ету үшін қымбат сорғылар сатып алынды. Суару каналдары тазартылды. Бізде 270 адам жұмыс істейді, ал агромаусымда жұмысшылар саны 300-ге дейін көтеріледі. Барлығының жалақысын уақытында төлеу керек», дейді серіктестіктің бас маманы Сәбит Прманов.
Күріш 19 әлеуметтік маңызы бар тауарлар тізіміне кіреді. Шекті бағаларды мемлекет белгілейді. Үшінші тоқсанда ол 275 теңгені құрайды. Дегенмен, нарықта астықтың бір килограмы орташа есеппен 220-дан сатылады.
«Жыл басынан бері 15 жәрмеңке өткізілді. 500 тоннадан астам күріш нарықтық бағадан 15-20%-ға төмен сатылды. Бүгінгі таңда облыста астық қоры құрылды. Тапшылық жоқ», деп нақтылады облыстық ауыл шаруашылығы басқармасы бөлім басшысының міндетін атқарушы Жүсіпбек Әжібеков.
Қазіргі агросезонда облыстың 550 күріш шаруашылығы жалпы алғанда 83 мың гектарға жуық дақыл алды. Бұл өткен жылмен салыстырғанда 6600 гектарға аз.
