Тамыздың басында елдің батысына қарай Иран аймақтарынан жылы және құрғақ ауа массалары акеле бастайды. Ол ауа температурасының 33-38, кей жерлерде 43 градусқа дейін көтерілуіне әкеледі. Күн райы жауын-шашынсыз болады.
«Алайда республиканың қалған аумағы атмосфералық фронтальды бөліктердің әсерінде болады. Мұнда жаңбыр жауады. 31 шілдеде оңтүстік-шығыста найзағай ойнап, жаңбыр жауады, бұршақ жаууы мүмкін», деп хабарлайды «Қазгидромет» РМК.
Елдің кей жерлерінде жел жылдамдығы 15-20 м/с күшейеді, оңтүстік пен оңтүстік-шығыста екпіні 25 м/с, шаңды дауыл болады.
Ауаның күндізгі температурасы солтүстікте, орталықта және шығыста 27-36 градусқа дейін көтеріледі деп күтілуде, ал оңтүстікте 35-40 градусқа дейін ыстық сақталады.
