«Қазақстанның Ауыр атлетика федерациясы Токио Олимпиадасының қола жүлдегерлері Игорь Сон мен Зульфия Чиншанлоны Toyota Camry жаңа автомобильдерімен марапаттаса, спортшылардың жеке жаттықтырушылары мен құраманың бас бапкері ақшалай сыйақы алады. Спортшыларға автокөлік кілтін ҚР ФТА президенті Жанат Түсіпбеков жақын арада Нұр-Сұлтан қаласында табыстайтын болады», деп мәлімдеді ҚР ФТА баспасөз қызметі.
Токиода өткен Олимпиада ойындарында Игорь Сон 61 келіге дейінгі санатта қола жүлдені жеңіп алса, Зульфия Чиншанло 55 келіге дейінгі санатта үшінші орынды иеленді.
28 шілденің кешінде спортшылар елге оралып, оларды Алматы әуежайында жанкүйерлері мен жақындары салтанатты түрде қарсы алды. Салтанатты шараға ауыр атлетика федерациясы мен Алматы облысы әкімдігі, БАҚ өкілдері қатысты.
