Елорда • 30 Шілде, 2021

Елордада 21 жастағы есірткі диллері ұсталды

270 рет
көрсетілді
1 мин
оқу үшін

«Қарасора-2021» жедел алдын алу шарасы аясында полицейлер елорда аумағындағы есірткі және жүйкеге әсер ететін заттарды сатумен айналысатын адамдарды анықтау бойынша жұмыстар жүргізуде, деп хабарлайды Egemen.kz Нұр-Сұлтан қаласы полиция департаментінің баспасөз қызметіне сілтеме жасап.

Елордада 21 жастағы есірткі диллері ұсталды

Күдіктінің жалдамалы пәтерінде психотроптық заттар салынған электрондық таразылар, есірткіні буып-түюге арналған полиэтилен пакеттерінің 350 данасы, 255 мың теңге көлеміндегі ақша қаражаты, сондай-ақ сатылуға дайын тұрған «синтетикалық» препараттар табылды.

«Тәркіленген есірткі дозалар бойынша өлшеніп салынған. Нәтижесінде, есірткінің бір реттік 90 дозасы табылды. Ұсталған азамат синтетиканы Нұр-Сұлтан қаласының аумағында сатпақ болған», деп атап өтті полицияда.

Аталған факті бойынша қылмыстық іс қозғалды.

Жас диллерге ҚР Қылмыстық кодексінің 297-бабының 3-бөлігі «есірткі заттарын заңсыз дайындау, қайта өңдеу, сатып алу, сақтау, тасымалдау немесе өткізу» бойынша айып тағылды. Бұл 15 жылға дейінгі мерзімге бас бостандығынан айыру мен мүлкін тәркілеу жазасын көздейді.

Соңғы жаңалықтар

Су үнемдейтін қондырғы

Технология • Кеше