Саясат • 03 Тамыз, 2021

Ел Тәуелсіздігінің 30 жылдығына арналады

34 рет көрсетілді

Елімізде Қазақстан Республикасы Тәуелсіздігінің 30 жылды­ғына арналған іс-шаралар өткізу жалғасуда. Тәуелсіз­діктің 30 жылдығының тамыз айындағы тақырыптық желісі – «Тәуелсіздіктің құқықтық негіздері. Құқық үстемдігі және азаматтық қоғам».

Осы айдың басты оқиғалары Қазақстанның Конституция күні мен Халықаралық ядро­лық сынақтарға қарсы іс-қи­мыл күні болып табылады. Еске сала кетейік, мерейтой тұ­жы­рымдамасына сәйкес әр ай өзін­дік жеке тақырыпта өтеді. Атап айтқанда, маусым патриотизм және мемлекеттік рәміздер тақырыбы аясында өтсе, шілде «Елорда күні. Нұр-Сұлтан – табыс пен өркендеудің символы» тақырыбында өтті. Осы жылдың басынан бері Тәуелсіздіктің 30 жылдығын мерекелеудің өңірлік жоспарлары аясында елімізде 7 мыңнан астам іс-шара өткізілді. Қазақ­стан Республикасы Тәуел­сіз­дігінің 30 жылдығын мереке­леу­дің тамыз айындағы кестесі тарихи дамудың жалпыұлт­тық бағдарын, сондай-ақ қазақ­стан­дықтардың құқықтық мемлекет идеалдарына бейілділігін айқын­дауда Конституцияның мән-маңызын ашуға бағытталады.

Мемлекеттік органдар сани­тарлық нормаларға сәйкес түр­лі іс-шаралар, оның ішінде аза­маттық қоғам өкілдерінің қаты­суымен диалог алаңдарын, сон­дай-ақ көрмелер, патриоттық әндердің байқаулары, жастар арасында зияткерлік ойындар өткізеді. «Тәуелсіздік тарландары» жобасы аясында «Халық Қаһар­маны», «Еңбек Ері» атақ­тарына ие болған қоғам және мемлекет қайраткерлерімен он­лайн-кездесулер өтеді. Елі­міздің мемлекеттік орган бас­шы­ларының, халықаралық ұйым­дар, басқа елдердің конс­ти­туциялық әділет органдары мен ғылыми қоғамдастық өкіл­дерінің қатысуымен Халық­аралық симпозиум өтеді.

Сонымен қатар биыл Семей яд­ро­лық полигонының жабы­луы­на 30 жыл толады. Естеріңізге са­ла кетейік, бұл Қазақстан Рес­пуб­­­ли­касының Тұңғыш Пре­зи­денті Н.Ә.Назарбаевтың 1991 жыл­ғы 29 тамыздағы Жар­лы­ғы­ның арқасында мүмкін бол­ды. Біз­дің еліміз әлем тарихын­да пла­не­тадағы екінші ірі ядролық сы­нақ пол­игонын жауып, қуат­ты­лы­ғы бойынша төртінші әс­ке­­ри ядролық арсеналдан өз еркі­мен бас тартқан бірінші ел болды. Шығыс Қазақстан облы­сын­да Семей ядролық поли­гоны жа­бы­­луы­ның 30 жыл­дығына ар­нал­­ған халықаралық іс-шара – жыл сайынғы «Медицина. Радиа­ция. Денсау­лық» ғылыми конференция өткі­зі­леді, сондай-ақ ядро­лық сы­нақ­тардан зардап шеккендер­ге ар­­налған ескерткішке гүл қою рәсі­мін ұйымдастыру жос­парланған.

 

Дайындаған

Жолдыбай БАЗАР,

«Egemen Qazaqstan»

Соңғы жаңалықтар

Бейбіт атом – орнықты даму кепілі

Қазақстан • Бүгін, 22:40

Халықаралық кездесулер

Қазақстан • Бүгін, 22:36

23,2 млн тонна шөп дайындалды – АШМ

Экономика • Бүгін, 18:37

Ұқсас жаңалықтар