Мониторинг нәтижелері бойынша полиция осындай 46 жарнаманы анықтады, онда белгілі бір сомаға жалған вакциналау паспорттары немесе оң немесе теріс тест нәтижелері бар талдау нысандары ұсынылады.
Осы ресурстарда Ресей Федерациясында, Украинада, Үндістанда және АҚШ аумағында сатылатын медициналық анықтамалар мен вакциналау сертификаттары туралы хабарландырулар таратылады.
Мысалы, Ресей Федерациясында жалған сертификаттар 7–20 мың рубльге, ПТР-тесттен өткені немесе антиденелердің болуы туралы анықтама 550-ден 4,5 мың рубльге дейін бағаланады. Үндістан бойынша вакциналау туралы сертификаттар 5 мың рупийден (шамамен 30 мың теңге) ұсынылады.
Сонымен қатар анықталған хабарландырулардан мамандар, негізінен, алдын ала төлем алуға бағытталған алаяқтық схемаларды жіті қадағалайды.
Вакциналаудың 1-ші кезеңінен өткендігі туралы растау туралы хабарламаны алаяқтар мемлекеттік органдардың ресми ресурстарына жатпайтын бөгде пошта жәшіктерінен жібереді. Содан кейін олар 2 кезең үшін алдын ала төлемді талап етеді, содан соң жоғалып кетеді.
Бірқатар жарияланымды тексеру барысында алаяқтардың шетелдік банктердің карталарын қолданғаны анықталды. Ал «сатушылар» үнемі өзгеріп тұратын виртуалды телефон нөмірлерін жиі қолданады.
Алданған адамдар құқық қорғау органдарына жүгінбейді, өйткені олардың өздері жалған құжаттарды сатып алу арқылы заңды бұзуға тырысады.
Анықталған шетелдік ресурстар қазақстандық пайдаланушылардың қолжетімділігін болдырмау үшін уәкілетті органға жіберіледі.
Осыған байланысты ІІМ азаматтарға қылмыстық процеске қатысушы болуға жол бермеуге және туыстары мен жақындарын осындай әрекеттерден қорғауға шақырады.
«Егемен-ақпарат»
