2020 жылғы 1 қазаннан бастап Қазақстанда темекілерді цифрлық таңбалау міндеттелген. Қазақстан аумағында өндірілетін немесе елге импортталатын барлық темекі цифрлық маркамен таңбаланады. Онда өнім туралы сандық ақпарат болады.
«Темекі өнімдерін сату үшін қымбат жабдық сатып алудың қажеті жоқ, тауарларды таңбалаудың ақпараттық жүйесінде сілтемесі бойынша электронды-цифрлық қолтаңбаны пайдалану арқылы тіркелу жеткілікті»,- деп атап өтті комитеттен.
2D сканердің дұрыс жұмыс істеуі үшін онлайн БКМ-де тауарлар номенклатурасын қосу қажет. Сайтта тауарлар номенклатурасын жаңартуға қосымша шығындарды болдырмау үшін онлайн БКМ-да тауарлар номенклатурасын өз бетінше қосу бойынша нұсқаулық орналастырылған. Тауарлар номенклатурасын жаңартқаннан кейін 2D сканер сандық таңбалауды дұрыс оқиды.
2D сканерлерге балама ретінде Naqty Sauda (Android және IOS) тегін мобильді қосымшасын пайдалану керек.
Таңбалау жүйесінде таңбаланған темекі өнімдерімен жұмысты оңайлату үшін қабылдау-тапсыру актілерімен жұмысты оңайлату, 2D-сканермен сканерлеусіз таңбалау жүйесінде тауарды есептен шығару мүмкіндігі туралы мәселе қаралады.
«Ұсақ бөлшек саудада таңбаланған тауармен жұмыстың проблемалық мәселелерін пысықтау үшін тауарларды таңбалаудың бірыңғай операторы аймақтарға барады, шағын дүкендердің бизнес-процестерін зерделейді және ұсақ бөлшек саудада жұмыс істеу бөлігінде таңбалау қағидаларына өзгерістер енгізу туралы ұсынымдар пысықталады», делінген хабарламада.
Шағын бөлшек саудадағы көптеген проблемалар оқуда жатыр. Қазір шағын кәсіпкерлер үшін таңбаланған тауарлармен жұмыс істеудің әртүрлі аспектілері бойынша пайдалы нұсқаулықтар мен жадынамалар әзірленуде, бейнематериалдар дайындалуда, сондай-ақ тәулік бойы жұмыс істейтін цифрлық таңбалау жөніндегі байланыс орталығының болуы туралы ақпаратты белсенді таратады. Жедел желі телефоны - 8 800 080 6565.
«Сондай-ақ темекі 1999 жылдан бастап қағаз акциздік маркалармен таңбаланатынын, біздің сандық таңбалауды енгізгенімізді, енді 2022 жылдың қаңтарынан бастап қағаз акциздік марканы алып тастайтынымызды атап өтеміз», деп жазылған хабарламада.
