Кино • 04 Тамыз, 2021

«Барымташылар» Францияда прокатқа шықты

36 рет көрсетілді

Қазақ режиссері Ерлан Нұрмұхамбетов пен жапондық кинематограф Лиза Такэба бірігіп түсірген «Барымташылар. Уақыт жолдары» фильмі Францияда әупірімдеп жүріп, прокатқа шықты.

Кинотуындының продюсері Юлия Кимнің айтуынша, Қазақ­стан мен Жапония бірлесіп тү­сірген картина шілденің со­ңы­нан бастап Францияның 21 қаласында көрсетілмек. Фильм­нің арнайы көрсетілімі 29 шілде күні Париждегі Espace Saint Michel кинотеатрында са­ни­тарлық талаптарға сәйкес өтті.

– Осы бір жарым жылда қаншама тер төгіліп, қаншама жұмыс атқарылды. Пандемияға байланысты Франциядағы тұ­саукесер үш мәрте кейінге ысырылды. Дегенмен қиындықтарға қарамастан, үмітіміз үзілмеді. Фильмнің түсіру тобы мен актерлерімізді осы қуанышпен құттықтаймын, – деп жазды продюсер өзінің Facebook-тегі парақшасында.

«Қазақфильм» мен жапон­дық Tokyo New Cinema компаниясы атсалысқан фильмде тыныш өмірінің шырқын бұзып, барымташылар отағасын аяу­сыз өлтірген отбасы туралы баяндалады. Марқұмның Ол­жас есімді 12 жасар баласы, барымташылардың қолынан мерт болған әкесінің өліміне қайғырып, зұлымдықпен кү­ресіп, бастарына түскен тау­қыметті бауырларымен бірге кө­тереді. Қорғансыз қалған Ол­жастың отбасына ғайыптан пайда болып, қолұшын созған кім? Мұны өз көрермендеріміз індет басылып, картина прокатқа шық­­қанда көре алады.

Фильмде басты рөлдерді Канн кинофестивалінің үздік актрисасы Самал Еслямова, танымал қазақстандық актер Дулыға Ақмолда мен жапондық актер Мирай Морияма сомдайды. Әкесін жоғалтқан баланың рөлін Мәди Минайдаров есімді жас актер ойнайды.

– Жапондықтармен бірге түсірген фильм әлем кине­ма­то­графының отанында көр­се­ті­ле­тініне қуанып та, қобал­жып та отырмын. Себебі ме­­нің шығармашылығымда бұл – алғаш­қы қуанышты жа­ғ­дай, – деп ойы­­н бөлісті фильм­нің тең ре­жиссері Ерлан Нұр­мұхамбетов.

Айтқандай, «Барымташылар. Уақыт жолдары» фильмі ең алғаш 2019 жылы Азиядағы ең ірі кинофестивальдардың бірі – халықаралық Бусан кино­фес­тивалі шеңберінде көр­се­­тілген еді. Қазақстан мен Жа­­пония бірлесіп түсірген туын­­ды Оңтүстік Кореяның ең үлкен экраны – Busan Cinema Center ор­алығында аталған фес­ти­валь­ді ашқан болатын.

Былтыр аталған фильм То­киодағы халықаралық кинофес­тиваль шеңберінде көрсетіліп, Жапонияда прокатқа шықты.

Аталмыш картина елімізде биылғы жылдың соңына дейін прокатқа шығады деп жоспарланып отыр.

 

АЛМАТЫ

 

Соңғы жаңалықтар

Балықшы

Өнер • Кеше

Ғалым ғибраты

Аймақтар • Кеше

Бюрократизм

Қоғам • Кеше

Бірінші байлық

Руханият • Кеше

Агробанк керек пе?

Экономика • Кеше

Ұқсас жаңалықтар