Қазақстан Республикасы Ақпарат және қоғамдық даму министрлігі «Ақ жол» фракциясының жетекшісі Азат Перуашевтің депутаттық сауалына жауап берді. Перуашев онда олимпиаданың алғашқы күндерінде қазақстандық спортшылардың өнері неге трансляцияланбағанын сұраған.
Сауалға жауап ретінде министрлік құқық иеленушілер 23 шілдеде Олимпиада ашылатын күні, трансляцияның лицензиялық құқығын сатып алу бағасын төмендетуге келіскенін айтты. Жалпы сомасы 6,25 миллион долларды құрады. Авторлық құқық иелері техникалық талаптарды беруден бас тартты, сондықтан дзюдошы Елдос Сметовтің өнері көрсетілмеді.
«24 шілде күні кешке министрлік авторлық құқық иелерімен және мемлекеттік телеарналармен бірге барлық техникалық мәселені шешкенін, бұл Олимпиада ойындарының одан әрі көрсетілімі кезінде отандық спортшылардың өнерін еркін көрсетуге мүмкіндік беретінін атап өткен жөн», деді министрлік өз жауабында.
