Үкімет қаулысымен Жанай Омаров Қазақстан Республикасы Мәдениет және ақпарат вице-министрі қызметіне тағайындалды.
Үкімет қаулысымен Жанай Омаров Қазақстан Республикасы Мәдениет және ақпарат вице-министрі қызметіне тағайындалды.
Кеше Мәдениет және ақпарат министрі Мұхтар Құл-Мұхаммед министрлік ұжымына, министрлікке қарасты мекемелер мен ұйымдардың басшыларына жаңа вице-министрді таныстырды. Жанай Сейітжанұлы Омаров кезінде осы министрлікте департамент директоры болып жұмыс істегенін, одан кейін Елбасының баспасөз хатшысы қызметін атқарғанын, «Қазақстан» телерадио корпорациясын, Қазақ ақпарат агенттігін, соңғы жылдарда «Казахстанская правда» республикалық газеті» акционерлік қоғамын біліктілікпен басқарғанын атап өтті. Жанай Омаров өзіне көрсетілген сенім үшін алғыс айтып, оны ақтау үшін бар күш-жігерін жұмсайтынын жеткізді.
Қай қызметте де абырой биігінен көрініп жүрген азаматқа жаңа жұмысында жаңа табыс тілейміз.
«Егемен-ақпарат».
