Аймақтар • 06 Тамыз, 2021

Сотталушыға келген палаудың ішінен телефон шықты

80 рет көрсетілді

Қызылордада тергеу изоляторына келген сәлемдеме арасынан телефон шықты, деп жазады Egemen.kz.

Қызылорда облысы бойынша ҚАЖ департаментінің ЗК-169/1 мекемесінде сәлем-сауқаттарды қабылдау бөлмесіндегі бақылаушы қызметкерлер тағы да тыйым салынған затты тауып, тәркіледі. Мекеме қамауындағы сотты болған азаматқа сәлемдеме алып келген әйел «IRBIS» маркалы телефонды, оның қуаттағыш құрылғысын және Sim-картаны политэлин пакетке орап, палау мен салат ішіне жасырып өткізбек болған. Алайда,  тағамға жасырылған «тосын сыйды» бақылаушы қызметкерлер бірден аңғарып, тәркілеп, ішке өтіп кетпеудің алдын алды.

Қамаудағы сотталған «Ұрлық» бабымен 5 жыл 6 айға бас бостандығынан айырылған.

Қазір аталған факті бойынша ҚР ӘҚБтК-нің 481 бабына сәйкес іс-құжаттары процессуалдық шешім қабылдау үшін Қызылорда қалалық әкімшілік сотына жолданды.

Соңғы жаңалықтар

Ұқсас жаңалықтар