«Ақмола облыстық сотының қылмыстық істер жөніндегі сот алқасының қаулысымен К.- ға қатысты Ақмола облыстық сотының ақтау үкімінің күші жойылды және қылмыстық іс сол соттың өзге құрамдағы жаңа қарауына жіберілді. Сот алқасы жәбірленушінің заңды өкілінің апелляциялық шағымын және прокурордың СМЖ үкіміне наразылығын қанағаттандырды», деп хабарлады сотта.
2021 жылғы 8 маусымда Ақмола облысының қылмыстық істер жөніндегі мамандандырылған ауданаралық сотында алқабилер соты жас баланы зорлау ісі бойынша ер адамға қатысты ақтау үкімін шығарды.
Алқабилер үкімінің негізінде ол ҚР ҚК 120-бабы 4-бөлігі «жас балаларды зорлау» бойынша қылмыстық құқық бұзушылық жасауға байланысты оқиғаның болмауынан ақталды.
Облыстық сотта түсіндірілгендей, алқабилер алқасын құру кезінде іс жүргізу заңының елеулі бұзушылықтары және іс бойынша дәлелдемелерді зерттеу тәртібі үкімнің күшін жоюға негіз болды.
