Фото: облыстық экология департаментінен
Департамент мамандары жағымсыз иістің Қошқар ата қалдық қоймасы аумағындағы ескі полигоннан шығып жатқанын анықтады.
Полигонды қара металл қалдығын іздеушілер қазған, нәтижесінде жағымсыз иіс шығып, ауаға тараған.
Мамандар ауаға зертханалық талдау жүргізіп, зиянды заттардың рұқсат етілген шектен асып кеткенін анықтады.
«Полигондар эпидемиологиялық қауіп төндіреді. Олар қоршаған ортаны ластаудың бірден-бір көзі болып отыр. Сасық иіс желмен ұзақ қашықтыққа таралады және бірнеше шақырым радиуста бүкіл тіршілікті уландырады. Тіпті адам улануына әкелуі мүмкін. Түсіп жатқан шағымдардың көптігі осыны білдіреді. Бұл аймақтар адам денсаулығы үшін улы және қауіпті. Ал өндірілген металға келсек, олар жарамсыз болуы мүмкін», дейді экологтар.
