Аймақтар • 09 Тамыз, 2021

Атырауда демалыс базасындағы үйлену тойы тоқтатылды

752 рет
көрсетілді
1 мин
оқу үшін

Атырауда мониторингтік топ мүшелері демалыс базасында өтіп жатқан үйлену тойын дронмен анықтады, деп хабарлайды Egemen.kz.

Атырауда демалыс базасындағы үйлену тойы тоқтатылды

Атырау қаласы әкімдігінің баспасөз қызметінің ақпаратына қарағанда, карантин кезінде демалыс базасының бірінде үйлену тойы 8 тамызда өткен.

«Мониторингтік топ әуеден түсірілген видео арқылы Береке ауылындағы демалыс базасының бірінде өтіп жатқан үйлену тойды анықтады. Әуеден түсірілген видеода демылыс базасының аумағында көп көліктің тұрғаны байқалды. Топ мүшелері демалыс базасына барғанда 90-ға жуық қонақтың қатысуымен үйлену тойы өтіп жатқанын тіркеді. Демалыс базасының әкімшісі карантин шектеуіне қарамастан салтанатты іс-шара өтетін нысанды жалға бергенін мойындады», деп хабарлады әкімдіктің баспасөз қызметі.