Аймақтар • 10 Тамыз, 2021

СҚО-дағы барлық мектептер Ashyq-қа қосылды

43 рет көрсетілді

Солтүстік Қазақстан облысында барлық мектеп пен мектепке дейінгі білім беру мекемелері Ashyq жобасы бойынша жұмыс істеп жатыр, деп хабарлайды Egemen.kz.

СҚО білім басқармасы баспасөз қызметінің мәліметінше, 1 қыркүйектен бастап оқушылар штаттық режимде оқиды.

Осыған орай коронавирус инфекциясының таралуын болдырмау мақсатында барлық білім беру мекемелері Ashyq жобасына қосылды.

Петропавлдағы № 27 жалпы білім беретін орта мектебі қосымшаны 5 тамыздан бастап қолданып келеді. Яғни, білім ордасына енді QR-кодты сканерлеу немесе ЖСН ұсыну арқылы ғана кіруге болады.

«1 қыркүйектен бастап ата-аналар оқу орнына бұрынғыша кіре алмайды. Сұрақтары болған жағдайда өз мәртебесін көрсетіп қана өте алады. Мектеп ұстатаздары мен техникалық мамандардың төрт адамнан басқасының бәрі вакцинациядан өтті. Оларға созылмалы ауруларына байланысты екпе қою мерзімі шегерілді», дейді мектеп директоры Гүлбарам Ибраева.

Жалпы СҚО-да 472 білім ордасы бар, оның үшеуі – жекеменшік, 7-уі коррекциялық мектеп. Ұстаздардың 96,2 %-ы, яғни 15 709 адам екпе алды. Техникалық қызметкерлердің 9998-і - 95,5 %-ы толық вакцинациядан өтті.

Соңғы жаңалықтар

Алматыда үш көше ұзартылады

Аймақтар • Бүгін, 17:57

Доллар арзандады

Қаржы • Бүгін, 17:01

Ұқсас жаңалықтар