Пациент мектебі немесе күн сайын жарты сағат «ағаш аралау»

Айтпағымыз, қазіргі күні Ал­ма­­ты­дағы Кардиология және ішкі аурулар ғылыми-зерттеу инсти­ту­тының Кардиология және оңал­ту бө­лім­ше­сін­де қала және өңір­лер­ден келген тұрғындарға маман­дан­ды­рылған кар­диологиялық және терапевтік ме­ди­циналық көмек көрсетіледі. Ма­ман­дар медициналық оңалту мүм­кін­дігінше ерте басталуы тиіс екенін айтудан танбайды. Оңалту іс-шаралары стационарлық кезең аяқталғаннан кейін толық көлемде іске асырылуы керек.

Аталған институттың Басқарма тө­рағасы, медицина ғылы­мы­ның докторы, профессор Роза Қуанышбе­ко­ваның айтуынша, Қазақстанның бар­лық облысының тұрғындары осы бөлімшеде оңалту көмегін алады. Бұлар – Нұр-Сұлтан, Алматы қала­ларынан, Алматы, Ақтөбе, Аты­рау, Батыс Қазақстан, Жамбыл, Қарағанды, Қостанай, Қызылорда, Маңғыстау мен Түркістан облыстарынан келетін пациенттер.

Клиника басшысы айтып өткендей, жүргізілетін кардиологиялық оңалту ауыр кардиологиялық кеселдерге шал­­дыққан, отадан тұрған пациенттер­ге көмек көрсетуге бағытталған іс-ша­ра­лар кешенін құрайды. Кар­дио­логиялық оңалтуға емдік дене шы­нық­тыру, мөлшерленген жаяу жүріс, велотренажерда жаттығу, те­мекі шегуден бас тарту, липидтердің салмағы мен дең­гейін қалпына келтіру, сондай-ақ кар­диоваскулярлық пато­ло­гияның қауіп факторларын азайтуға мүмкіндік бе­ре­тін психологиялық қолдау кіреді.

«Кардиологиялық оңалтуда ден­сау­лықты сақтау, қалпына келтіру, дене қимылының белсенділігі, еңбекке жарамдылық, әлеуметтік және физи­ка­лық белсенділігінің кеңеюін еске­ре отырып, жүрек-қантамыр пато­ло­гиясының асқынуы мен өр­шуінің алдын алуға арналған дәрі-дәр­мектік терапияны оңтайландыру, ауру­дың салдарын жою үшін нау­қастың пси­хо­логиялық жағдайын рет­теу се­кілді ас­пектілер аса ма­ңызды», дейді Роза Тохтанәліқызы.

Кар­диологиялық оңалтудағы ма­ңызды фактор – институтта құ­рылған Пациент мектебіне пациенттің қа­ты­суы. Денсаулық мектептерінде тек қана білім алмайды, сонымен қатар адам өміріне қауіпті аурулардың дамуына әсер ететін қауіп факторла­ры­нан арылу әдістерін оқытады. Па­циент­терде емдеу, тұрмыста және жұ­мыста дұрыс мінез-құлық көр­сету мәселелеріне оң көзқарас қа­лып­та­са­ды.

Денсаулықты, жұмысқа қабі­лет­ті­лік­ті жақсарту, аурудың асқынуының алдын алу, пациенттерді қоғамның қалыпты өмір сүру жағдайына бірік­ті­ру бойынша жұмыстар өзінің әсерін береді.

АЛМАТЫ