Қоғам • 11 Тамыз, 2021

Вокзалдарда үй карантинін бұзған 300-ге жуық адам анықталды

150 рет
көрсетілді
1 мин
оқу үшін

Ashyq бағдарламасы қосылғалы бері республикалық және облыстық маңызы бар қалалардың теміржол вокзалында «қызыл» мәртебесі бар 296 және 177 «сары» мәртебелі адам анықталды, деп хабарлайды Egemen.kz ҚТЖ баспасөз қызметіне сілтеме жасап. 

Вокзалдарда үй карантинін бұзған 300-ге жуық адам анықталды

«Өзін-өзі оқшаулау режимін бұзушылардың ең көбі елордада тіркелді. Нұр-Сұлтан станциясында 121 адам анықталды, «Нұрлы жол» станциясында да осынша адам карантин ренжимін бұзған.

«Қызыл» және «сары» мәртебесі бар адамдар вокзал ғимаратына кіргізілмейді. Ереже бұзушылар туралы ақпарат станциядағы СЭС қызметкерлеріне беріледі. Олар уәкілетті орган бекіткен алгоритмге сәйкес тиісті шараларды қабылдайды», делінген хабарламада.

ҚТЖ жолаушыларға өз мәртебесін алдын ала тексеруді сұрайды.