Қоғам • 12 Тамыз, 2021

Cұранысқа ие мамандықты онлайн меңгеріңіз

58 рет көрсетілді

Елімізде сұранысқа ие мамандықтарды мең­ге­ру­ге көмектесетін онлайн-курстар платформасы іске қосылды. Ол бірнеше мамандық бо­йынша білімді тегін игеруге көмектеседі.

JANARU деп айдар та­ғыл­ған жоба төрт бағыт негі­зін­де жүзеге аспақ. Онлайн платформа игілігін толық пайдаланған та­лапкерлер SMM, Web-ди­­зайн, менеджмент және Soft-skills қабілеттерін игеріп шыға алады.

Қазақстан жастары конгресі қолға алып отырған жоба платформасында (janaru.jascongress.kz) аталған төрт бағыт бойынша курстар жинақталған. Ұйымдастырушылардың ай­туынша, жоба өзекті маман­дық­тар мен қабілеттерді игеруге көмектеседі. Атап айтар болсақ, SMM бағыты бойынша – Мобилограф, Пикчер жұмысын; WEB бағыты бо­йынша – Python бағдарламалау, UI/UX дизайн, Landing сайттарын құру және Motion design жұмысын; менеджемент ба­ғы­ты бойынша іс қағаздарын жүргізу, сандық этикетті мең­ге­ріп шығуға мүмкіндік бар. Сондай-ақ төртінші курс түрі – «Дағдыларды дамыту» аясында қатысушылар көпшілік алдында сөйлеу мен дизайн-ойлау тұрғысынан жаңа қабілеттерге ие болады.

Жобаны Нұрсұлтан На­зар­баев қорының қолда­уы­мен Қа­зақстан жастар Конгресі жү­зеге асырып отыр. Осы ар­қы­лы жастардың тың дағ­ды­ларды игеруіне жол ашатын қолжетімді алаң құруды көздейді. Жобаға қатысқысы келген адам жастар конгресінің сайтында тіркеліп, барлық блок бойынша сабақтарды тегін оқуға мүмкіндік алады. Қатысушының өзіне ыңғайлы кез келген уақытта сабақтарды оқуына болады. Талапкер тек бір бағытты оқыса да болады. Бәрін де қамтып, бүкіл курсқа қатысамын деген адамға да еш кедергі жоқ.

«SMM-ді оқу арқылы сіз таргетті қалай дұрыс құ­ру­ды, мәтінді дұрыс жазуды, фото мен бейнежазбаға түсіре алуды, копирайтерлікті үйрене аласыз. SMM – қазіргі сәтте ең бір өзекті құралға айналып отыр. Олардың қызметіне мемлекеттік мекемелер де, жеке ұйымдар да мұқтаж болып отыр. Осы саланы терең білетін адамды жұмысқа алу арқылы өз қызметтерін күшейткісі келеді. Ал WEB блогындағы курстарға қатысу арқылы сайт жасауды үйренесіз. Бәлкім жеке сайтыңызды ашасыз, бәлкім жеке компанияға сайт жасап бересіз», дейді жоба үйлестірушісі.

Өзін-өзі дамытуға арналған және қазіргі заманға сай кәсіп, мамандық, дағдылармен та­ны­суға ар­налған JANARU жо­басының онлайн алаңында 25 бейнежазба бар. Әзірге бейне-сабақтардың барлығы орысша түсірілген. Үйлестірушілер мұны қазақ тіліндегі мамандар тапшылығымен түсіндіреді. Егер осы жолы талапкерлердің ынта-ықыласы жоғары болса, келесі кезектегі сабақтар қазақ тілінде ұсы­нылмақ. Жобаға қатысты жаңалықтар мен өзге­­ріс­терді @janaru.kz инстаграм парақшасынан бақылап отыруға болады.

 

Соңғы жаңалықтар

Түркістанда үшем дүниеге келді

Аймақтар • Бүгін, 12:50

Ертең Үкімет отырысы өтеді

Үкімет • Бүгін, 11:31

Тәуелсіздік тұлғалары

Елорда • Бүгін, 09:16

Аида – әлем чемпионы!

Спорт • Бүгін, 09:14

Алматы қаласы «сары» аймаққа өтті

Коронавирус • Бүгін, 09:09

«Ақ бидай» ойындары аяқталды

Ұлттық спорт • Бүгін, 09:03

Жастар жәрдемі

Аймақтар • Бүгін, 08:55

Сенім арт маған, туған ел!

Аймақтар • Бүгін, 08:54

Сақтанған сау қалады

Медицина • Бүгін, 08:47

Оқушыларға абай болайық

Аймақтар • Бүгін, 08:42

Дамудың сенімді іргетасы

Қазақстан • Кеше

Іні-досқа ілтипат хат

Руханият • Кеше

Ұқсас жаңалықтар