![Танысының атынан несие рәсімдеген алаяқ ұсталды](/media/2021/08/12/den.jpg)
Кентау ҚПБ-ға жергілікті тұрғын шағым түсіріп, өзінің танысын қылмыстық жауапкершілікке тартуды сұраған.
Әйелдің айтуы бойынша, ескі танысы оның атынан 90 000 теңгеге несие рәсімдеп алған. Бүгінде бұл қарыз көлемі ұлғайып кеткен.
Аталған фактіні полиция қызметкерлері ҚР ҚК-нің 190-бабы (Алаяқтық) бойынша тіркеді.
Жүргізілген жедел-іздестіру шаралары барысында алаяқтық жасаған Сауран ауданының тұрғынын анықтап, полиция бөліміне жеткізді. Ол өз кінәсін толықтай мойындады.
Күдікті өзінің басқа банктегі қарызын жабу үшін, танысының жеке мәліметтерін пайдаланып, оның ұялы телефоны арқылы несиеге ұсыныс жіберген. Ұсынысы мақұлданғаннан кейін, әйел ақшаны өзінің шотына аударған.