6 тамызда сағат 17:00 шамасында Үржар ауданы Сағат ауылынан 18 шақырым жерде қамыс өртенген. Құтқарушылар оқиға орнына келіп, барлау жүргізді.
«Сасықкөл жағасындағы батпақты жерде қамыс жанды. Өрт ошағына жету қиынға соқты. Өрт сөндірушілер, жергілікті атқарушы орган өкілдері, «Алакөл мемлекеттік табиғи қоры» РММ қызметкерлері тілсіз жауды ауыздықтауға кірісті. Сонымен қатар өрт ауқымын анықтау және сөндірудің дұрыс бағытын таңдау үшін «АН-2» ұшағымен мониторинг жүргізілген. Жердің батпақты болуынан және қатты желдің салдарынан отты өшіру қиындай түсті. Өрт 12 тамыз күні сағат 10.00-де толықтай сөндірілді. Жалын шарпыған аумақ 7 мың гектарды құрады», деп жазылған ШҚО ТЖД баспасөз қызметінің ақпаратында.
