Павлодар облысы Полиция департаменті бастығының орынбасары Рашад Өтеуовтің айтуынша, Жамбыл облысының тұрғыны Instagram әлеуметтік желісінен фейк парақша ашып, өзін қыз ретінде таныстырған. Басқа қолданушыларға қысқа мерзімде ірі табыс табуды ұсынған. Ол үшін «Алға жылжыту» деп аталатын инвестициялық жобаны таныстырып, «1Xbet» букмекерлік кеңсесіндегі шотына ақша аударуды сұраған.
Полиция бүгінгі күні күдіктінің республика бойынша 50 адамға зарар келтіргенін мәлімдеді. Жәбірленушілер 10-нан 200 мың теңгеге дейін ақша салған.
Күдікті анықталып, ұсталды. Аталған фактілер бойынша Қазақстан Республикасы ҚК-нің 190-бабы 2-тармағының 4-бөлігі бойынша сотқа дейінгі тергеу жүріп жатыр.
