Кездесу барысында орман шаруашылығы саласындағы ынтымақтастық және Арал теңізінің құрғаған түбіне сексеуіл егу мәселелері талқыланды.
Сонымен қатар, М.Мырзағалиев Қазақстан Президентінің экологиялық жағдайды жақсарту мақсатында Арал теңізінің құрғаған түбінде 2025 жылға дейін сексеуіл отырғызу арқылы фитомелиорациялық жұмыстар жүргізу міндетін қойғанын атап өтті. Кореяны осы жұмысқа қатысуға шақырды. Корей тарапы да бұл жобаға қолдау көрсетуге дайын екенін білдірді.
Кездесу соңында ҚР Экология, геология және табиғи ресурстар министрлігі мен Азия орман секторындағы ынтымақтастық ұйымы (AfoCO) арасында орман секторындағы ынтымақтастық жөніндегі Меморандумға қол қойылды.
Оның басты мақсаты - Қазақстанда орман шаруашылығы қызметкерлерін оқыту және кәсіби даярлаудың өңірлік орталығын, сондай-ақ Орталық Азиядағы AFoCO өкілдігін ашуды пысықтау.
Тараптар жақын арада аталған мәселелерді талқылау бойынша онлайн кездесу өткізуге келісті.
Сонымен қатар, Корея Қазақстанды 2021 жылғы қарашада Сеул қаласында, сондай-ақ орман шаруашылығы жөніндегі Конгресте (2022 жылғы 2-6 мамырда Сеул қаласында) өткізу жоспарланып отырған «Орталық Азия – Корея Республикасы» ынтымақтастық форумына қатысуға шақырды.
