Елорда • 19 Тамыз, 2021

Елордада ауыл шаруашылығы жәрмеңкесі өтеді

95 рет көрсетілді

Алдағы сенбі-жексенбі күндері елордада Түркістан облысының тауар өндірушілері ауыл шаруашылығы жәрмеңкесін өткізеді, деп хабарлайды Egemen.kz.

Аймақтан 500 тонна өнім тиелген жүк көліктері жолға шықты. Жәрмеңкеге Түркістан өңірінің 50-ге жуық тауар өндірушісі қатысады. Бас қала тұрғындарына олар ет және сүт өнімдерін, көкөніс, бақша дақылдарын, жеміс-жидек, сондай-ақ бал ұсынады.

Жәрмеңкеде тауарлар нарықтан 15-20% арзан бағада сатылады.

«Жәрмеңке 21-22 тамыз күндері Нұр-Сұлтан қаласы Хан шатыр аумағындағы автотұрақ аумағында өтетін болады. Жалпы жәрмеңкеге Түркістан облысының 16 ауданынан 34 түрлі өнім жіберіліп отыр. Көкөніс, картоп, бақша дақылдарымен біз өзімізді 100% қамтамасыз етеміз. Артығы республиканың өзге өңірлеріне, сонымен қатар Ресей, Беларусь елдеріне экспортталып жатыр», деді облыстық ауыл шаруашылығы басқармасы басшысының орынбасары Нұрбол Бекмұратов.

Соңғы жаңалықтар

Доллар бағасы арзандады

Қаржы • Бүгін, 15:47

Ұқсас жаңалықтар