«Әділдік жолы» РҚБ атап өткендей, қазіргі уақытта алқаға 3 000-ға жуық заң консультанттары кіреді.
«Бұл, әсіресе, үйден шықпай-ақ тегін кешенді заң көмегін ала алатын әлеуметтік осал азаматтар мен ауылдық жерлердің тұрғындары үшін тиімді», делінген ақпаратта.
«Меморандумның мақсаты - халықтың әлеуметтік мұқтаж топтарына және басқа да азаматтарға құқықтық көмек көрсету. Құқықтық ағарту, әсіресе мұқтаждар арасында құқықтық мемлекетті нығайтуға қызмет ететін болады», деді Республикалық заң консультанттары алқасының төрағасы Серік Ақылбай.
«Халықтың құқықтық сауаттылығын арттыру сыбайлас жемқорлыққа қарсы іс-қимылдың тиімді әдісі болып табылады. «LawCenter» қосымшасы құқықтық көмекті неғұрлым ауқымды түрде ұйымдастыруға мүмкіндік береді. Қосымшаны жүктеп алған әрбір қазақстандық өз сұрағын қойып, оны заң кеңесшілеріне жібере алады», деді «Әділдік жолы» РҚБ төрағасы Дидар Смағұлов.
