Саясат • 20 Тамыз, 2021

Еуропалық Одақ өкілімен кездесті

38 рет көрсетілді

Қазақстан Парламенті Сенаты Төрағасының орынбасары Асқар Шәкіров Еуропалық Одақтың (ЕО) Орталық Азия бойынша арнаулы өкілі Тери Хакаламен кездесті, деп хабарлады осы Палатаның баспасөз қызметі.

Кездесу барысында вице-спикер ЕО өкіліне Сенат қызметінің негізгі бағыттары және Мемлекет басшысының елімізді жаңғырту бағдарын іске асыру үшін қабылданған заңдар туралы хабардар етті.

Сонымен қатар Сенат Төрағасының орын­басары Қазақстан демократияны, құқық үс­тем­дігін және адам құқықтарын нығайту мәсе­лелеріне баса мән беретінін, бұл еліміз­дің өзара іс-қимылдың барлық деңгейінде сындарлы диалогке дайын екенін көрсететінін атап өтті. Кездесу барысында Қазақстанның адам құқықтары саласындағы барлық дерлік ха­лық­аралық құжаттардың, оның ішінде БҰҰ-ның 7 негізгі құқық қорғау конвенциясының толық құқықты қатысушысы екені де сөз болды.

Кездесуде парламентаралық байланысты жандандыру мәселесі де талқыланды.

«Біз парламентаралық ынтымақтастықты дамытуға баса мән беріп келеміз. Қазіргі таңда Еуропарламентте сауда-экономикалық, инвестициялық және гуманитарлық байланыс­тарды дамытуға ықпал ету үшін Қазақстан мен Еуроодақтың достық тобы жұмыс істейді. Бұл жұмысты жандандыру екіжақты ынтымақтастықты одан әрі дамытуға және парламентаралық байланыстарды нығайтуға тың серпін береді деп сенеміз», деді Асқар Шәкіров.

Сұхбат барысында Орталық Азиядағы өзекті мәселелер, оның ішінде Ауғанстандағы жағдай да талқыланды.

 

Соңғы жаңалықтар

Доллар қымбаттады

Қаржы • Бүгін, 15:55

Киногерлер ағаш отырғызды

Қоғам • Бүгін, 09:17

Ұқсас жаңалықтар