Спорт • 21 Тамыз, 2021

Ольга Рыпакованың қызы әлем чемпионатының финалына өте алмады

277 рет

көрсетілді

1 мин

оқу үшін

Кенияның Найроби қаласында жеңіл атлетикадан жасөспірімдер арасындағы әлем чемпионаты өтіп жатыр. Қазақстандық Анастасия Рыпакова ұзындыққа секіру жарысының іріктеу кезеңіне қатысты, деп хабарлайды Egemen.kz Tengrinews.kz -ке сілтеме жасап.

Дана МЫРЗАҚАДІР

Ольга Рыпакованың қызы әлем чемпионатының финалына өте алмады

Біріншіліктің финалына өту үшін Рыпаковаға 1 сантиметр ғана жетпей қалған.

Ұзындыққа секіруден сынға түсетін спортшылар 6,35 метрді бағындыру керек болған немесе 12-орынды иеленуі керек. Ал, Рыпакова өзінің ең үздік нәтижесінде 6,05 метрге секіріп, 13-орында қалды. Нигериялық Рут Агадама 6.06 метрге секірді. Нәтижесінде Агадама финалға дейін жетіп, 12-орынды иеленді.

Айта кетейік, Анастасия - 2008, 2012, 2016 Олимпиада ойындарында күміс, алтын және қола алған Ольга Рыпакованың қызы. Токио-2020 ойындарынан Ольга Рыпакова алғаш рет жүлдесіз оралды.