«Облыс полицейлері айыппұл төлемеген борышкерлерді 7 млн астам теңге төлетті. Тұрғылықты мекен-жайы бойынша айыппұл төлемеген 943 борышкер тексерілді. Қарызын өтемеген 8 адамның көлігі айыппұл тұрағына қойылды, 313 әкімшілік материал қозғалды», деп баяндады Павлодар облыстық Полиция департаменті басқармасының бастығы Нұржан Таңатаров.
Ведомство баспасөз қызметінің мәліметінше, полиция 18 тамыздан бері аймақта «Борышкер» операциясын жүргізіп жатыр. Н.Таңатаров шараның мақсаты – әкімшілік айыппұл төлемей жүргендерді анықтау және оларға қатысты шаралар екенін қосып өтті.
«Рейд шаралары тек жолдарда емес, айыппұл төлемейтіндердің тұрғылықты мекен-жайлары бойынша да жүргізілуде», деп хабарлады Павлодар облыстық Полиция департаменті әкімшілік полиция басқармасының бастығы.
