Аймақтар • 23 Тамыз, 2021

Ұлт көсемі рухтандырып тұр

82 рет көрсетілді

Семейдегі Шәкәрім даңғылы бойындағы тоғыз қабатты үйдің қабырғасына Алаш Орда көсе­мінің портреті жазылды. Менмұндалаған мурал­дағы Әлихан бейнесі «Ұлтқа қызмет ету – білім­нен емес, мінезден» деп семейлік басшылардың рухын жанып тұрғандай көрінді. Иә-иә, дәл солай.

Төбемізден намысты жа­нып, Алаш Орда кө­семі қа­рап тұрғанда, орталықтағы Мо­розов, Терещ­ков, Фрунзе, Щорс, Красногвардейский се­кілді идеологиялық тұрғыда ескіріп кеткен көше атаулары да ауыстырылуы тиіс. Семейдің сырт жағындағы шолақ кө­шедегі Әлиханның есімі орта­лық көшелердің біріне берілсе, Абай елі алақайлап сүйінші сұрасар еді. Алдыңғы жылдары орталық алаңға тұлға мүсіні қойылғанда, өлгеніміз тіріліп, өшкеніміз жанғандай қуанған едік.

Биыл Тәуелсіздіктің 30 жылдығына және Алаш көсемі Әлихан Бөкейханның туғанына 155 жыл толуына орай алып портретін Қазақ инновациялық заң университетінің ұжымы қалаға сыйға тартты. Оқу орны басшылығының айтуынша, екі-үш ай дайындалып, екі апта ішінде көркем мурал Шәкәрім даңғылы, 15 үйдің қабырғасына жазылды. Муралды Erudit Group компаниясының тапсырысымен кәсіби суретші Александр Романов салып шықты.

– Оқу орын ұжымына ризамын. Мурал салынған ауланы абаттандыруға да зор үлестерін қосты. Ал Әлиханның бұл суреті аулаға ғана емес, қалаға көрік беріп тұрады деген сенімдемін. Екінші жағынан өсіп келе жатқан ұрпақ бабаларының кім екенін біліп өседі, – дейді портреттің авторы А. Романов. Айтқандай, университет ұжымының ұйытқы болуымен Шәкәрім даңғылы, 15 үйдің ауласы да абаттандырылды. Тағы бір сүйіншілі жаңалық, жуықта университетке Әлихан Бөкейханның есімі берілуі мүмкін.

 

Семей

 

Соңғы жаңалықтар

Бар жақсымыз – балаларға

Қазақстан • Кеше

Алтын қыз

Спорт • Кеше

Талант пен талап

Әдебиет • Кеше

Әдеби өмірдегі әйелдер

Руханият • Кеше

Ұқсас жаңалықтар