Оқиға • 24 Тамыз, 2021

Ақтөбеде жол апатынан жаяу жүргінші көз жұмды

180 рет
көрсетілді
1 мин
оқу үшін

Ақтөбеде жол-көлік апатынан 55 жастағы тұрғын көз жұмды. Оқиға облыс орталығындағы Мәншүк Мәметова көшесінде болды, деп хабарлайды Egemen.kz.

Ақтөбеде жол апатынан жаяу жүргінші көз жұмды

Ақтөбе қаласында жол-көлік апаты жиіледі. Биыл 200-ге жуық жол апатынан 20 адам көз жұмған. Оның тоғызы жаяу жүргінші.

«Ақтөбе қаласындағы Мәншүк Мәметова көшесінде жол-көлік оқиғасы болды. 55 жастағы жүргінші жолды белгіленбеген жерден кесіп өтпек болған. Салдарынан 23 жастағы қыздың көлігінің астына түсіп қалды. Жәбірленуші оқиға орнында мерт болды.

Қазір қылмыстық іс қозғалып, тергеу жүріп жатыр», деді облыстық ПД баспасөз қызметінің жетекшісі Ерболат Сарқұлов.