Елорда • 25 Тамыз, 2021

Қарусыздану – қоғам үшін маңызды

137 рет көрсетілді

Нұр-Сұлтан қаласында Қазақстан Республикасының Тұңғыш Президенті – Елбасы кітапханасы мен Семей қаласы әкімдігі­нің бірлесіп ұйымдастыруымен еліміздің тәуелсіздігі мен Семей ядролық полигоны жабылуының 30 жылдығына арналған  «Негізгі шешімдер уақыты» атты көрме өтті.

Шараның тұсаукесер рәсімін ашып сөз сөйлеген Шығыс Қа­зақ­стан облысы әкімінің орын­ба­сары Азамат Мухамедчинов: «Адам­­­затты ядролық қарудан азат етуге және жаппай қырып-жо­я­­­тын қаруды таратпауға ба­ғыт­­­талған еліміздің саясатын ха­лық­­­аралық қоғамдастық мойындады. Нәтижесінде, бұл салада елі­міз жаһандық көшбасшылық қабілетке ие болды. БҰҰ мін­бе­рі­нен, халықаралық форумдар­дан, сондай-ақ ядролық державалар басшыларымен жеке кездесулер кезінде жоғарыдағы ұста­ным­дар­ды түбегейлі және дәйекті түр­де қорғаған еліміздің Тұңғыш Пре­зиденті – Елбасы Нұрсұлтан Назарбаевтың рөлі ерекше» деді.

«Семей қасіреті», «Елбасының ядролық қарусыз әлем жолында­ғы бастамалары» және «Бейбіт атомға құқық» атты үш бөлімнен тұратын экспозициялық залда Қазақстанның тәуелсіздік тари­хынан сыр шертетін Елбасы кі­тапха­на­сы қорындағы архивтік ма­те­риал­дар, жәдігерлер және та­рихи кітаптар кешені көпшілік назарына ұсынылды. Сонымен қа­тар Қазақстан Республикасы­ның Тұңғыш Президенті – Елбасы Н.На­зарбаевтың ядролық қару­сыз­дану және ядролық қаруды та­ратпау ісіне қосқан үлесі үшін бе­ріл­ген халықаралық марапаттар да көрме төрінен орын алды.

Елбасының ядролық қарусыз­дану бастамасынан кейін Невада, Новая Земля, Лобнор, Муруроа полигондары жабылып, нәтижесінде, БҰҰ Бас ассамблеясы 29 тамызды «Ядролық сынақтарға қарсы халықаралық күрес күні» деп жа­риялады. Осылайша, Елбасы бас­­тамасы жер бетінде ядролық қару­сыз әлемді құру мен нығай­тудың өзегіне айналды.

Қазіргідей дүние жүзін гео­сая­си тұрақсыздық жайлаған тұс­та, Елбасының ядролық қару­дан бас тарту идеясы жаһандық бітімгер ретінде ерекше маңызға ие болғаны шындық. Осы орайда көрме төрінен Тұңғыш Президент Н.Назарбаев 2016 жылғы 31 нау­рызда Вашингтонда ұсынған «Манифест. Әлем. XXI ғасыр» атты ұсынысы уақыт өте келе, Бас Ассамблея мен БҰҰ Қауіпсіздік Кеңесінің ресми мәртебесіне ие болғаны жайлы құжат та көрме сөресінен орын алды.

Соңғы жаңалықтар

Доллар қымбаттады

Қаржы • Бүгін, 15:55

Киногерлер ағаш отырғызды

Қоғам • Бүгін, 09:17

Ұқсас жаңалықтар