Биылғы Жолдауда Елбасы мемлекет алдына үлкен, ауқымды мақсат-міндеттер қойды. Бұл жолғы Жолдаудың бір құндылығы мынада: онда Қазақстанның ұлттық «Мәңгілік Ел» идеясы туралы айтылып, оған айрықша мән берілді.
Биылғы Жолдауда Елбасы мемлекет алдына үлкен, ауқымды мақсат-міндеттер қойды. Бұл жолғы Жолдаудың бір құндылығы мынада: онда Қазақстанның ұлттық «Мәңгілік Ел» идеясы туралы айтылып, оған айрықша мән берілді.
«Мәңгілік Ел» дегеніміз – Қазақстан ұлтының, Қазақстан тәуелсіздігі мен мемлекетінің мәңгілік болуы. Бүгінгі күнге дейін «біздің ұлттық идеямыз не?» деген сауалдың қоғамды толғандырғаны анық. Себебі, мұндай идея талай ғасырлардан бері өз құндылығын жоғалтқан емес. Бұл ретте, Жолдаудың өзегінде ұлттық «Мәңгілік Ел» идеясы жатқаны бізді айрықша қуантты.
Сондай-ақ, мемлекетті алға жылжытатын тетіктер – білім, ғылым, денсаулық сақтау, мәдениет салаларын дамыту мәселелеріне де Жолдауда айрықша мән берілген. Мәселен, мәдениет саласы туралы айтқанда, Мемлекет басшысы мәдениеттің әлемдік стандартқа сай келу қажеттігін атап өтті. Ол үшін мәдениеттің өз даму бағдарламасы, өз даму кластерлері құрылуы тиіс. Бұлардың барлығы Елбасы айтқандай, мәдениет саласының барлық тетіктерін дүниежүзілік озық стандарттарға сәйкестендіруіміз үшін қажет.
Біз әлем елдерін көп аралаймыз. Шетелдік сапарлар кезінде әлемдік, дүниежүзілік озық стандарттарды көреміз. Әрине, біз сондай кезде әлемдік деңгейдегі озық стандарттардың өз Отанымызда, Қазақстанда болғанын қалайтынымыз анық. Біз болашақта осы бағытта еңбек ететін боламыз. Мәселен, біздің алдағы уақыттың еншісіндегі бір арманымыз – ұлттық симфониялық оркестр құру. Біз осындай жобаларды жүзеге асыру арқылы ұлттық мәдениетімізді бар әлемге танытқымыз келеді. Бүгінде бізде мұндай жобаларды жүзеге асыратын талантты, дарынды, білікті жастар жетерлік.
Айман МҰСАҚОЖАЕВА,
Қазақстанның халық әртісі,
Қазақ ұлттық өнер
университетінің ректоры.
