Жыл басынан бері полиция департаментінің есірткі қылмысына қарсы іс-қимыл басқармасының қызметкерлері Жамбыл облысының аумағында барлығы 2 тонна 23 килограмм түрлі есірткі заттарын тәркіледі.
Polisia.kz таратқан ақпарат бойынша, «Қарасора-2021» Республикалық жедел алдын алу іс-шарасы аясында Жамбыл облысы Байзақ ауданының 49 жастағы тұрғынынан жалпы салмағы 928 кг каннабис табылған, сондай-ақ күдіктіні жеке тінту кезінде 320 грамм каннабис шайыры тәркіленген.
Қазақстан Республикасы Қылмыстық кодексінің 297-бабы 3-бөлігі «Есірткі заттарын өткізу мақсатында аса ірі мөлшерде заңсыз сақтау» бойынша сотқа дейінгі тергеу басталды. Кінәлі УҰИ-ға қамалды.
Аталған қылмысы үшін кінәлінің мүлкі тәркіленіп, 10 жылдан 15 жылға дейінгі мерзімге бас бостандығынан айыру жазасына кесіледі.
