Экономиканың ғылым мен білім арқылы ғана биікке өрлейтіні күні кешегі Жолдауда айтылды. Елбасы ел дамуының экономикаға тікелей байланысты екенін тағы да бәріміздің есімізге салды. Бұл – еліміздің 2050 жылға қарай бағыт алған үлкен жолы, ол жол бір мақсат, бір мүддені, бір болашақты көздейді. Ал еліміздің экономикалық даму жағдайын сараптайтын ғылыми тұжырымдар, ойлар, салмақты пікірлер қашанда аса қажет. Сондықтан, еліміз білім, ғылым саласына көп көңіл бөліп келеді.
Экономиканың ғылым мен білім арқылы ғана биікке өрлейтіні күні кешегі Жолдауда айтылды. Елбасы ел дамуының экономикаға тікелей байланысты екенін тағы да бәріміздің есімізге салды. Бұл – еліміздің 2050 жылға қарай бағыт алған үлкен жолы, ол жол бір мақсат, бір мүддені, бір болашақты көздейді. Ал еліміздің экономикалық даму жағдайын сараптайтын ғылыми тұжырымдар, ойлар, салмақты пікірлер қашанда аса қажет. Сондықтан, еліміз білім, ғылым саласына көп көңіл бөліп келеді.
Білім, ғылымның өзі – балабақшадан басталып, мектепке, жоғары оқу орнына дейін алып келетін ұзақ жол. Жас ұрпақтың тәрбиеленуі, білім алуы, жоғары оқу орнына түсуі үшін елімізде барлық жағдай жасалған. Енді міне, біздің студенттеріміз үшін де Жолдаудан жақсы жаңалық естілді, яғни, 2016 жылдан бастап стипендия 25 пайызға өсетін болды. Бұл жаңалық тек бүгінгі студент үшін ғана емес, алдағы жылдары студент атанбақшы ауыл-қалада оқып жүрген оқушы үшін де үлкен қуаныш. Оларға жігер, оқып-білім алуға талпыныс, сенім әкеледі.
Жалпы, жылдағы жолдаулар сияқты биылғы Жолдау да өміріміздің барлық саласын қамтыды. Өзімнің ерекше әсер алғаным, «Мәңгілік Ел» идеясы. Бұл идея бәрімізді де рухтандырады. Студент жастарды патриоттық сезімге жетелейді. Тәуелсіздікке қол жеткізген соң, бұл құндылықты сақтап, ұрпақтан-ұрпаққа мирас етіп қалдыру оңай емес. Ал дәл осы Елбасы айтып отырған «Мәңгілік Ел» идеясы – жаңа ұғым. Ол ұлтымызды ұйыстырып, бірлікке шақырып, болашаққа бет алған жолымыздың дұрыстығына бірден-бір кепіл бола алады.
«Қазақтың мәңгілік ғұмыры – ұрпақтың мәңгілік болашағын баянды етуге арналады. Ендігі ұрпақ – мәңгілік қазақтың перзенті», деді Елбасы өз сөзінде. Біздің еліміз де дамып, өркендеп, бәсекеге қабілетті елдер, мемлекеттер қатарынан орын алуы үшін алдымызға, міне, осындай ауқымды міндеттер жүктеліп отыр. Олардың бәрі де аса маңызды. Осы орайда, елімізді жаңа үлкен серпілістер күтіп тұрғаны анық. Заманауи ғылыммен бірге осы серпілістерді бағындыра аламыз деген сенім зор.
Нұрғали АРШАБЕКОВ,
мемлекеттік педагогикалық
институттың ректоры.
ПАВЛОДАР.
