Қазақстан Республикасының Президенті Н.Ә.Назарбаевтың Қазақстан халқына арнаған әр жылғы Жолдауы – Тәуелсіз еліміздің тарихындағы бір-бір кезең. Ұзақ перспективаға белгіленген міндеттерді бір-бірінен ажыратып алып қарауға болмайды. Өйткені, алға қойылған межелер бір-бірімен тығыз байланысты, жыл сайын үдей жалғасып, халқымызды жаңа белестерге жетектеп келеді. Ең бастысы, онда болашақты бағдарлаған нақты мақсаттар көрініс тапқан. Адам баласының алға ұмтылып, бүгінгіден ертең бақыттырақ болғысы келетіні табиғи заңдылық.
Қазақстан Республикасының Президенті Н.Ә.Назарбаевтың Қазақстан халқына арнаған әр жылғы Жолдауы – Тәуелсіз еліміздің тарихындағы бір-бір кезең. Ұзақ перспективаға белгіленген міндеттерді бір-бірінен ажыратып алып қарауға болмайды. Өйткені, алға қойылған межелер бір-бірімен тығыз байланысты, жыл сайын үдей жалғасып, халқымызды жаңа белестерге жетектеп келеді. Ең бастысы, онда болашақты бағдарлаған нақты мақсаттар көрініс тапқан. Адам баласының алға ұмтылып, бүгінгіден ертең бақыттырақ болғысы келетіні табиғи заңдылық.
Біз, бұқаралық ақпарат таратушылар, ел ішінде көп боламыз, олардың талап-тілегін білеміз. Көрермендеріміз бен тыңдармандарымыздың осы Жолдауды қалай асыға күткенін көзімізбен көріп отырмыз. Осы тұрғыдан қарағанда, мені Жолдаудың, әсіресе, отандастарымыздың әлеуметтік ахуалы жақсаруына қатысты ақпарат қатты толқытты әрі қуантты да. Ең бастысы, әрине, жалақы деңгейінің өсімі. Мемлекет басшысы екі қолға жұмыс таба алмай жүргендерге назар аударуды ұсынды. Бұл тұрғыда жүргізіліп жатқан шаралар енді мүлде жаңа серпінмен дамытылуға тиіс. Әсіресе, мүгедектер, жәрдемақыға өмір сүріп келе жатқан және өзге де жандарға қолынан келетін жұмыс тауып беру қажеттігіне Президент атап тоқталды. Ал бұқаралық ақпарат құралдарындағы мәліметтерге қарағанда, олардың саны 600 мыңға жетіп отыр. Бұл өте орынды ұсыныс деп санаймын. Сонда ғана қорғансыз қалған жандарға лайықты жағдай жасай аламыз.
Қазір еліміздің Парламенті «Жастар саясаты туралы» заң жобасын қарап жатыр. Депутаттардың ел аймақтарына шығып, халықпен кездесулерінде сайлаушылар жастарға қолдау-көмек көрсету жайын жиі айтатын. Енді, міне, оған да қол жеткізілуде. 2016 жылдан бастап студенттердің стипендиялары 25 пайызға өсірілетін болды.
Біраз жылдан бері жалақы деңгейі өспегені, тиісінше, инфляция қарқын алып бара жатқаны – шындық еді. Жолдауды зерттей оқып отырсаңыз, ендігі жерде жалақыны өсіру инфляцияның орнын жауып қана қоймай, азаматтардың еркін тыныс алуына мүмкіндік бермек. Президенттің сөзінен естігеніміздей, қазіргі кезде ел тұрғындарының 97 пайызы әлеуметтік ахуалдың тұрақтылығын және оның жыл өткен сайын жақсара түскендігін атап өткен.
Жолдауда ел тұрғындарының әлеуметтік-тұрмыстық жағдайын айтарлықтай арттыруға байланысты мемлекеттік органдар мен «Нұр Отан» партиясына зор жауапкершілік жүктелді. Бұқара халықтың көптеген түйткілді мәселелерін шешуде белсенді әрекет етіп келе жатқан біздің партиямыздың да үлесі көп. Көріп жүргеніміздей, қабылдау бөлмелері арқылы немесе кездесулерде қарапайым тұрғындардың мұң-мұқтажын жан-жақты қарап, тиісті мемлекеттік органдарға ұсыныстар әзірлеумен қатар, олардың нақты шешімінің болуы да жіті қадағаланады.
Осы тұрғыдан келгенде, «Қазақстан-2050» Стратегиясы бұл елдігіміздің онжылдықтарға бағытын айқындап берген маңызды құжат болуымен қатар, жақын жылдарға не істеу керек деген міндеттерді мойнымызға жүктеп отыр. Біз бұқаралық ақпарат құралдарының жұмысын Жолдау қағидаларына қарай қайта құрып, түсіндіру, насихат шараларын нақты мысалдармен, адамдар ортасында болып, әрбір қазақстандықтың мүддесі тұрғысында жүргізуге тиіспіз. Бұған мүмкіндік толық, журналистік тәжірибеміз де жеткілікті. Осы орайда, шалғайдағы аудандардың, қиырда жатқан шағын елді мекендердің тыныс-тіршілігін зерттеп, олардың ой-арманын ортаға салып отыру біз сияқты облыс журналистерінің борышы екенін жақсы түсінеміз.
Мемлекет басшысының биылғы Жолдауы «Қазақстан-2050» Стратегиясынан туындайтын міндеттердің әрбіреуі қоғамдық өмірдің барлық саласындағы әрбір саналы азаматтың күнделікті қызметі мен тіршілігіне тікелей қатысты. Әсіресе, қоғамды алаңдатып келген қазақ тілінің мәселесіне екпін беруі өте орынды болды деп ойлаймын. Президентіміздің салтанатты түрде мәлімдеген мына сөздері менің замандастарымның әрқайсының жүрегін тебіренткеніне кәмілмін. «Енді ешкім өзгерте алмайтын бір ақиқат бар! Ана тіліміз Мәңгілік Елімізбен бірге Мәңгілік Тіл болды, – деді Елбасымыз. – Бұл мәселені даудың тақырыбы емес, ұлттың ұйытқысы ете білгеніміз жөн». Ана тіліміздің болашағы жарқын боларына деген нық сенім осындай-ақ болар!
Ерлан ТОҚШЫЛЫҚ,
«Қазақстан-Петропавл» облыстық
телеарнасының директоры, Петропавл
қалалық мәслихатының депутаты.
