Білім • 01 Қыркүйек, 2021

Нұр-Сұлтанда 8 мектеп ашылды

68 рет көрсетілді

Нұр-Сұлтан қаласының әкімі Алтай Көлгінов Instagram парақшасында оқушыларды оқу жылының басталуымен құттықтап, бүгін қалада 8 жаңа мектеп ашылғанын хабарлады, деп жазады Egemen.kz.

Фото: Александр Куприенко

«Құрметті ұстаздар, оқушылар және ата-аналар!

Сіздерді жаңа оқу жылының бірінші күнімен құттықтаймын! 1 қыркүйек – ата-аналар мен оқушылар үшін маңызды күн. Оқу жылын дәстүрлі офлайн-форматта бастаймыз. Баға үшін емес, білім алу үшін оқыңыздар! Күнделікті еңбек пен білім арқылы болашақта үлкен жетістіктерге жете аласыз! Ең бастысы – өзіңізге, өз күшіңізге сену.

Оқуға қолайлы жағдай жасау үшін жыл сайын жаңа мектептер салып жатырмыз. Биыл 15 мектеп саламыз, олардың 8-і ашылды. Жаңа мектептердің қатарында жеке инвестициялар есебінен салынған мектептер де бар.

Мысалы, бүгін №23 орта мектепте (Өндіріс елді мекені, Байқоңыр ауданы) болдым. Мемлекет басшысының тапсырмасына сәйкес мектепте жайлы корпус салынды. Жаңа мектеп екі ауысымда 1200 балаға есептелген. Жаңа ғимаратта робототехника, химия, биология, физика, "STEM", "Интеллектум", инклюзияны қолдау кабинеттері және т.б. кабинеттер бар. Президент атынан мектепке автобус берілді.

Сондай-ақ, бүгін №92 жаңа мектепке бардым (Майқайың көшесі, Алматы ауданы). Бұл мектеп 2400 оқушыға есептелген (екі ауысымда). Мектепте химия, биология, физика, робототехника, "STEM", "Интеллектум" және т.б. жаңа модификациядағы бірегей кабинеттер ашылды.

15 мектептің құрылысы 40 мыңнан астам оқушы орнын ашуға мүмкіндік береді. Өткен жылмен салыстырғанда оқушы орындарының саны 2 еседен артық, ал 2019 жылмен салыстырғанда 4 еседен артық ұлғаймақ.

Кешенді жоспар аясында 5 жылдық кезеңге 67 мектеп салу жоспарланып отыр. Мектептерді МЖӘ аясында және жеке инвестициялар есебінен салып жатырмыз.

Инвестициялық кеңестерде тұрғындар арасында үлкен сұранысқа ие 30-дан астам жекеменшік оқу орнының құрылысына қолдау көрсеттік.

Баршаңызды оқу жылының басталуымен құттықтаймын! Сіздерге мықты денсаулық пен білім алуда құлшыныс тілеймін!» деп жазды елорда әкімі.

Соңғы жаңалықтар

Сырдың суы төмендеп барады

Аймақтар • Бүгін, 17:27

Доллар арзандады

Қаржы • Бүгін, 16:56

Алматы маңында жер сілкінді

Аймақтар • Бүгін, 16:38

Қазақстанда ет қымбаттады

Қоғам • Бүгін, 15:10

Ұқсас жаңалықтар