Денсаулық сақтау мен білім салаларына ерекше көңіл бөлінді. Қасым-Жомарт Тоқаев нақты бастамаларды атап өтті. Оларды іске асыру халықтың әл-ауқатын жақсартуға мүмкіндік береді.
Ең төменгі жалақыны көтеру тұрмысы төмен топтың әл-ауқатына оңтайлы әсер етеді. Төрт жыл ішінде азаматтық қызметшілердің еңбекақысын 20 пайызға арттыру – 600 мың қазақстандықтың тұрмыс деңгейі көтеріледі деген сөз. Зейнетақы жинағының бір бөлігін «Отбасы Банк» шотына аудару тұрғын үй сатып алу ісін оңтайландырады.
Президент Қасым-Жомарт Тоқаев саяси реформалардың төртінші пакетін ұсынды. Бұрын тек партиялық тізімдерге қатысты қолданылатын депутаттық мандаттарды бөлгенде, әйелдер мен жастар үшін 30 пайыздық квотаны заңнамалық тұрғыдан бекіту міндеті қойылды.
Мемлекет басшысы, сондай-ақ, квотаға мүмкіндігі шектеулі адамдарды енгізуді ұсынды. Балаларға қатысты жыныстық қылмыстарға қарсы іс-қимылды күшейтуге назар аударуды тапсырды.
Ләззат ҚОЖАХМЕТОВА,
Ұлттық қоғамдық сенім кеңесінің мүшесі
