«Жолды жақсарту бойынша ауқымды жұмыс жалғасады. Жаңа жол салып, бар жолды жөндеп, ұзартып жатырмыз. Жақында Алатау көшесінің Сәбденов көшесінен Райымбек даңғылына дейінгі 2 шақырымдық учаскесі ашылды. Төрт жолақты жол Наурызбай ауданының әкімшілік орталығын қаланың ірі магистралімен байланыстырды. Абай даңғылын тесу аяқталған соң қала орталығымен көлік қатынасы едәуір жақсарады», деп жазды қала әкімі өзінің Instagram парақшасында.
Айта кетейік, «Жаңа Алматыны» дамытудың кешенді жоспары аясында Алатау, Түрксіб пен Наурызбай аудандарына қарасты сегіз ықшам ауданындағы 415 көшеде 108 шақырым жол салынып жатыр.
