Аймақтар • 02 Қыркүйек, 2021

Жамбыл облысында «ҚазҮнді-2021» оқу-жаттығуы өтіп жатыр

12 рет көрсетілді

Жамбыл облысындағы «Айша-Бибі» оқу-жаттығу полигонында Қазақстан мен Үндістан әскери қызметшілері арасында «ҚазҮнді-2021» бірлескен оқу-жаттығуы өтуде, деп хабарлайды Egemen.kz ҚР Қорғаныс министрлігінің ресми сайтына сілтеме жасап.

Оған Қазақстаннан «Оңтүстік» өңірлік қолбасшылығының бөлімшелері және Үндістанның құрама ротаға біріктірілген әскери контингенті қатысуда.

Бірінші кезеңде жеке құрам жауынгерлік даярлықтың жоғары деңгейіне келтіру іс-қимылдарын пысықтады. Халықаралық бөлімшелердің әскери қызметшілері дағдарыс ауданына марш жасады. Қазіргі уақытта межелі жерде роталық тактикалық құрама топ бөлімшелерді жауынгерлік үйлестіруді орындады.

Оқу-жаттығу шеңберінде қосымша бөлімшенің әскери қызметшілері барлау-іздестіру және рейдтік іс-қимылдар жүргізеді. Оқу-жаттығудың соңғы кезеңінде БҰҰ-ның мандатына сәйкес дағдарыс аймағында заңсыз қаруланған топтарды оқшаулау және жою жоспарланған.

«ҚазҮнді-2021» бірлескен оқу-жаттығуы Қазақстан мен Үндістан қорғаныс министрліктері арасындағы екіжақты ынтымақтастық жоспары шеңберінде өткізілуде. Ол ағымдағы жылдың 10 қыркүйегінде аяқталады.

Оқу-жаттығу алаңында санитарлық-эпидемиологиялық талаптардың қатаң сақталған. Оған қатысушылар барлық қажетті карантиндік іс-шаралардан, медициналық тексерістен өтіп, ПТР-тест тапсырды.

Соңғы жаңалықтар

Бар жақсымыз – балаларға

Қазақстан • Кеше

Алтын қыз

Спорт • Кеше

Талант пен талап

Әдебиет • Кеше

Әдеби өмірдегі әйелдер

Руханият • Кеше

Ұқсас жаңалықтар