Спорт • 02 Қыркүйек, 2021

Роналдуға Еуропа чемпионатының Үздік сұрмергені жүлдесі табысталды

157 рет
көрсетілді
1 мин
оқу үшін

Португалия құрамасы 2022 жылғы әлем чемпионатының іріктеу кезеңінде Ирландияны 2:1 есебімен жеңді, деп жазады Egemen.kz.

Роналдуға Еуропа чемпионатының Үздік сұрмергені жүлдесі табысталды

Осы ойын басталар алдында Португалия құрамасының капитаны Криштиану Роналдуға Еуропа чемпионатының Үздік сұрмергені жүлдесі табысталды.

Биыл жазда өткен құрлық біріншілігінде Роналду 5 гол соғып (1 нәтижелі пас), чемпионаттың үздік сұрмергені атанған. Португалия құрамасы 1/8 финалда жарыс жолынан шығып, еліне ерте қайтқандықтан, Роналдуға сыйлық енді ғана табысталып отыр.

Айта кетейік, Португалия - Ирландия матчында Криштиану екі гол соғып, командасына жеңіс сыйлады. Әрі ұлттық құрама сапында 111 гол соғып, әлемдік рекорд жаңартты. Бұған дейін бұл рекорд ирандық форвард Али Даеиге (109 гол) тиесілі болған.