Кездесу аясында жобаның қазір қандай деңгейде жүзеге асырылып жатқаны, соның ішінде Ұлттық банктің цифрлы валютаны әзірлеуде технологиялық архитектура мен әлемдік трендтерді қалай қолданып жатқаны таныстырылған.
Технология мен төлем жүйесі қатар дамып жатқанын ескерсек, цифрлы теңге қолданыстағы қолма-қол және қолма-қол емес төлем жүйелеріне қосымша ретінде жаңа төлем инфрақұрылымы бола алатындай әлеуеті бар. Цифрлы теңгені енгізе отырып, төлем қызметі нарығындағы бәсекені арттыруға, қаржы технологиясын дамытуға жаңаша серпін беруге, сондай-ақ аймақтардағы қаржы қызметтерінің қолжетімділігін арттыруға мүмкіндік туады.
«Талқылау барысында цифрлы валюта қаржы тұрақтылығына қалай әсер етеді деген, тұтынушылар үшін төлем жасау қаншалықты ыңғайлы болатыны, сондай-ақ тәуекелдерді төмендетудің жолдары қандай деген мәселелер талқыланды. Қаржы нарығының қатысушылары мүдделі тараптардың барлығын тәжірибеде қолдануға болатын шешімдерді іздеу үшін сауалдама мен сұхбаттасудан өтуге шақырды. Қанатқақты жобаға нарықтағы тараптардың барлығы шектеусіз қатыса алады. Қазіргі таңда «Цифрлы теңге» қанатқақты жобасын жүзеге асыруға екінші деңгейлі 3 банк қатыса бастады», делінген Ұлттық банк хабарламасында.
Қазақстан Ұлттық банкі қаржы нарығындағы тараптар мен қоғам арасында жобаның нәтижелерін талқылап, сол талқылаудың нәтижесін ортаға салып отырады.
