Полиция департаментінің бастығы, полиция генерал-майоры Қайрат Дәлбеков байқау жеңімпаздарын марапаттау рәсімінде қатысушыларға алғысын жеткізді. «Сендерге үлкен рахмет, бойларыңдағы дарындарыңды ортаға салып, жарысқа қатыстыңдар. Біздің қазылар сендердің еңбектеріңді жіті қарап, ішіндегі ең әдемі салынғандарын іріктеп алды. Өнерлерің өрге жүзсін!», деді генерал-майор. Қазылар алқасы жас дарындар қолынан шыққан туындыларға өз бағасын берді. Яғни байқау қорытындысында мыңнан тұлпар, жүзден жүйрік шыққан 15 қатысушы анықталып, арнайы «Алғыс хат», сондай-ақ сыйлық ретінде мектепке арналған сөмкелер және кеңсе заттары табыс етілді. Жүлделі ІІІ орынды Төлеби АПБ көші-қон қызметі тобының аға инспекторы, полиция майоры Нұрбол Сейітбековтің 12 жастағы қызы Амира Абдисапар иеленсе, ІІ орынды ТО ПД ЖҚАЖ инспектор-психологі, полиция капитаны Әйгерім Исаеваның 11 жастағы қызы Камила Елмұрат алды. Ал І орынды Түркістан ҚПБ ЖПҚ учаскелік полиция инспекторы, полиция майоры Мухаммад Жұмадилаевтың 10 жастағы қызы Мира Ханадилла жеңіп алды. Жүлделі орын иелеріне заманауи смартфон, ұялы телефон сыйға берілді.
Оқушылардың бойында туған жерге деген патриоттық сезімін арттырып, бос уақыттарын тиімді пайдалануға дағдыландыру мақсатындағы шараларды полицейлер алдағы уақытта да ұйымдастырып тұрмақ.
Түркістан облысы