Теннис • 03 Қыркүйек, 2021

US Open: Бублик үшінші айналымға шыға алмады

16 рет көрсетілді

Қазақстанның бірінші, әлемнің 37-ракеткасы Александр Бублик US Open турнирінің үшінші айналымына шыға алмады, деп хабарлайды Egemen.kz.

Осы «Үлкен дулыға» додасының 31-ракеткасы болып тіркелген А.Бублик екінші айналымда америкалық Джек Сокпен кездесті.

Д.Сок – қазіргі кезде рейтингте 184-орында тұрғанымен, бұдан төрт жыл бұрын сегізінші сатыға дейін көтерілген тәжірибелі ойыншы.

Бірінші сетте тай-брейкте америкалық спортшы әбжілдік танытты – 7:6 (7:3). Екіншісінде А.Бублик сондай тартысты геймде есе қайырды – 7:6 (7:2).

Үшіншісінде Д.Сок 6:4 есебімен қайта алға шықса, төртіншісінде қазақстандық теннисші таразы басын теңестірді – 6:4. Шешуші, бесінші партияда корт иесі жеңіске жетті – 6:3.

А.Бублик 3 сағат 32 минутқа созылған матч барысында 40 эйс жасап, 14 брейк-пойнттың алтауын пайдаланды. Д.Соктың еншісінде – 6 эйс, 7 брейк (17 брейк-пойнт).

Осылайша АҚШ ашық чемпионатында жекелей сында Қазақстаннан Елена Рыбакина ғана қалды. Ол үшінші айналымда әлемнің бұрынғы бірінші ракеткасы, румыниялық Симона Халеппен ойнайды.

 

 

Соңғы жаңалықтар

Валюта нарығындағы ахуал

Экономика • Кеше

Қоңырқай болмыс

Руханият • Кеше

Желтоқсандық журналист

Қазақстан • Кеше

Піл

Өнер • Кеше

Ұқсас жаңалықтар