Коронавирус • 03 Қыркүйек, 2021

Елордада коронавирус жұқтыру деңгейі төмендеді

136 рет
көрсетілді
1 мин
оқу үшін

Нұр-Сұлтанда КВИ ауруының деңгейі тамыз айында 21%-ға төмендеді, деп жазады Egemen.kz.

 

Елордада коронавирус жұқтыру деңгейі төмендеді

Қаладағы бас мемлекеттік санитарлық дәрігердің орынбасары Жанна Пірәлиеваның мәлімдеуінше, соңғы 10 күнде тәулігіне 650-ден аз адам вирус жұқтырса, ал соңғы аптада олардың тәуліктегі орташа саны 470-ті құрады. 

«Тамыз айында ауру деңгейі шілдемен салыстырғанда 21%-ға төмендеді. Аптасына сырқат саны 25-тен 31%-ға дейін азайды. Мәселен, соңғы аптада вирус жұқтыру көрсеткіші өткен аптамен салыстырғанда 100 мың тұрғынға шаққанда 31%-ға төмен болды. Бір апта ішінде 3355 адам COVID-19 жұқтырды. Алдыңғы аптада ол 4920 адам болған. 100 мың тұрғынға шаққандағы қарқынды көрсеткіш – 258,2. Репродуктивті нөмір – 0,765», деді Жанна Пірәлиева.

Алайда сырқат саны азайғанымен қала «қызыл аймақтан» шыққан жоқ. Сырқаттанушылықтың жалпы көрсеткішінде клиникалық белгілері бар науқастардың үлесі әлі де жоғары (78-79%).

«Сондықтан КВИ ауруының деңгейін одан әрі төмендету үшін азаматтар санитарлық нормаларды қатаң сақтауы керек, маска режимін, әлеуметтік қашықтықты және қол гигиенасын сақтауы керек», деп жазады қала әкімінің баспасөз қызметі.