Биыл жылдағыдай емес, қар мол түсіп, үскірік аяз бен қарлы боран қарбалас тудыруда. Апталап жауған қардың арты ақ түтек боранға ұласып, аудан орталықтарымен және ауылдармен қатынас қиындады. Облыстық төтенше жағдайлар департаменті баспасөз қызметінің хабарлауынша, соңғы күндері аймақта ауа райының бұзылуына байланысты департаменттің жедел кезекші бөлімі ұялы байланыс операторлары арқылы халыққа ауа райының бұзылуы, тасжолдардың жабылуы туралы хабарламалар жіберуді үрдіске айналдырған. Жыл басынан бері аймақта облыстық, республикалық маңызы бар тас жолдарды жабуға қатысты 12 жағдай тіркелген. Облыстық төтенше жағдайлар департаментінің бөлімшелері арқылы аймақта жыл басынан бері он рет іздестіру-құтқару жұмыстары жүргізіліпті. Нәтижесінде, 900-ден астам адам құтқарылған. Оның ішінде 10 бала және екі жүкті әйел бар. Бұдан басқа 500 техника қар құрсауынан шығарылды. Бұл жұмыстарға 45 адам мен 23 арнайы техника жұмылдырылыпты.
Биыл жылдағыдай емес, қар мол түсіп, үскірік аяз бен қарлы боран қарбалас тудыруда. Апталап жауған қардың арты ақ түтек боранға ұласып, аудан орталықтарымен және ауылдармен қатынас қиындады. Облыстық төтенше жағдайлар департаменті баспасөз қызметінің хабарлауынша, соңғы күндері аймақта ауа райының бұзылуына байланысты департаменттің жедел кезекші бөлімі ұялы байланыс операторлары арқылы халыққа ауа райының бұзылуы, тасжолдардың жабылуы туралы хабарламалар жіберуді үрдіске айналдырған. Жыл басынан бері аймақта облыстық, республикалық маңызы бар тас жолдарды жабуға қатысты 12 жағдай тіркелген. Облыстық төтенше жағдайлар департаментінің бөлімшелері арқылы аймақта жыл басынан бері он рет іздестіру-құтқару жұмыстары жүргізіліпті. Нәтижесінде, 900-ден астам адам құтқарылған. Оның ішінде 10 бала және екі жүкті әйел бар. Бұдан басқа 500 техника қар құрсауынан шығарылды. Бұл жұмыстарға 45 адам мен 23 арнайы техника жұмылдырылыпты.
Биыл аймақта ақ түтек бораннан адасып, арты қайғымен аяқталған екі жағдай тіркеліпті. 17 қаңтар күні Алға ауданының Қарағаш ауылдық округіне қарасты Нұрбұлақ ауылынан 1964 жылы туған азаматтың жоғалғаны туралы ақпарат келіп түскен. Іздестіру шараларының нәтижесінде осы ауылдан 4 шақырым қашықтықтағы бейіттің жанынан жоғалған азаматтың мәйіті табылған. Ал екінші жағдайда 21 қаңтар күні 10 сағат 45 минутта Әйтеке би аудандық №7 өрт сөндіру бөліміне 18 қаңтар күні Қарабұтақ ауылынан «Наден» қыстағына қарай екі адамның жаяу шығып, із-түзсіз жоғалғаны туралы хабар түседі. Іздестіру-құтқару жұмыстарына облыстық «Жедел құтқару жасағы» мемлекеттік мекемесінің жеке құрамынан 3 адам мен бір техника жұмылдырылып, іздестіру жұмыстары барысында екі қолы мен аяғын үсік шалған 1974 жылы туған азамат Әйтеке би аудандық орталық ауруханасына жеткізілді. Ал Еңбекту елді мекені маңынан 1979 жылы туған азаматтың мәйіті табылған.
Қазіргі уақытта облыс аумағында қар жауып, боран тұруына байланысты төтенше жағдайлар департаменті қызметкерлері тәулік бойы тасжолдарда құтқару жұмыстарын жалғастыруда.
Сатыбалды СӘУІРБАЙ,
«Егемен Қазақстан».
Ақтөбе облысы.
