Аймақтар • 04 Қыркүйек, 2021

Кендірлі аумағында су тұщыту зауыты салынады

80 рет көрсетілді

Президент Қасым-Жомарт Тоқаев жаңа жолдауында Кендірліде су тұщыту зауытының салынатынын айтты, деп хабарлайды Egemen.kz Маңғыстау облысы әкімдігінің баспасөз қызметіне сілтеме жасап.

Облыс әкімі С.Трұмовтың баяндауынша, бұл зауыттың техникалық-экономикалық негіздемесі жасалды. Жобаны іске асыратын «Ақсу» мекемесі құрылды. Құны 87 млрд.теңге болатын жоба тәулігіне 50 мың текше метр су тұщытады деп жоспарланып отыр. Кәсіпорын іске қосылғанда 160 мыңдай тұрғыны бар Жаңаөзен қаласын үздіксіз сумен қамтуға мүмкіндік бермек. Қазір жобаның жобалық-сметалық құжаты жасақталуда. Бұл жұмыс аяқталған соң зауыт құрылысы басталады.

«Көптен күткен мәселенің шешілуіне жол ашқан мемлекет басшысына Маңғыстау жұртшылығының атынан алғыс айтамын», деді өңір басшысы.

Соңғы жаңалықтар

Доллар бағасы арзандады

Қаржы • Бүгін, 15:47

Ұқсас жаңалықтар