Экология • 05 Қыркүйек, 2021

Қорғалжыннан келген қонақтар

124 рет көрсетілді

Биыл Торғай даласындағы «Алты Сай» эко­саябағына қоқиқаз қонды. Қазақстан био­алуан­түрлілікті сақтау қауымдастығының мәліметінше, елімізде бұл құстың жалғыз-ақ түрі бар, ол – қызғылт қоқиқаз. Мамандар бұл кербез қанаттылардың Торғайдан төрт жүз шақырым қашықтықта жатқан Қорғалжын мемлекеттік қорығындағы Теңіз көлінен ұшып келуі мүмкін деп болжайды.

Қоқиқаз өзінің кербез қимыл-қозғалысы мен маңғаз тұрысымен ғана испан халқының әлемге әйгілі «Фламинго» биіне негіз болғаны баршаға аян. Бұл құстар өте сақ әрі үркек келеді, көбіне адам аяғы баса бермейтін сулы жерлерді ме­кендейді. Бір үріккен көліне 4-5 жылға дейін қайтып қонбай қояды екен. Қоқиқаз – бойшаң, ұзын сирақты құс әрі көзі қиядағыны шалатын қырағы келеді.

«Алты Сай» экосаябағына қон­ған қызғылт қоқиқаздар жаздай осы маңды мекендейді. Қауырсында­рын түлетіп, балапан басып шығара­ды. Бір қоқиқаз екі жұмыртқаға дейін басып шығаруы мүмкін. Қорек табу үшін ұшып кеткен ана қоқиқаз қаптаған құстың ішінде жүрген өз балапанын даусынан таниды екен. Қоқиқаз балапандарының қанаты қатайып, әбден әл жинап алған соң, күзге салым Әзер­бай­жан, Түрікменстан және Иран елде­ріндегі қыстауларына ұшып кетеді.

 

Қостанай облысы

Соңғы жаңалықтар

Щучинскіде базар өртенді

Оқиға • Бүгін, 09:27

Аң патшасы көбейді

Экология • Бүгін, 07:42

Жер астынан жол шықты

Аймақтар • Бүгін, 07:40

Жеке рекордын жаңартты

Теннис • Бүгін, 07:36

Ұқсас жаңалықтар